"Əgər İran olmasaydı, Azərbaycan bu gün mövcud olmazdı”. "Əgər İran olmasaydı, Azərbaycan bu gün sadəcə mövcud olmazdı”. Bu sözləri İranın Şərqi Azərbaycan əyalətinin Sərab şəhərinin dini lideri Əli Əkbər Əkrəmin deyib. Əli Əkbər Əkrəmin sözlərini Dağlıq Qarabağ müharibəsi vaxtı İranın Azərbaycana etdiyi yardımla əsaslandırıb. 

Əli Əkbər Əkrəmin - İranın Şərqi Azərbaycan əyalətinin dini lideri

Məsələ ilə bağlı İranın Azərbaycandakı səfirliyi ilə əlaqə saxlasaq da diplomatik qurumdan heç bir açıqlama vermək istəmədilər. 

Bakının Nardaran qəsəbəsində isə noyabrın 6 –da keçirilən əməliyyatdan sonra İranın bəzi dairələrindən Azərbaycana qarşı ittihamlar səslənməyə başlandı.

Bundan əvvəl İran parlamentinin Təhlükəsizlik və Xarici Siyasət Komissiyası sədrinin müavini Mənsur Həqiqətpur Azərbaycanın Nardaran qəsəbəsinin sakinlərini polislə silahlı qarşıdurmadan sonra fəallaşmağa çağırmışdı.

Parlament üzvü bildirib ki, Azərbaycan bir tərəfdən, "homoseksuallara azadlıq verir, digər tərəfdən isə şiələrə qarşı zorakılıq edir”. Onun sözlərinə görə, belə hərəkətlərin "pis nəticələri olacaq”.

İranın Azərbaycandakı səfiri Möhsün Pakayin isə Nardaran hadisələri ilə bağlı verdiyi açıqlamada bildirmişdi ki, İran heç vaxt Azərbaycanın daxili işlərinə qarışmaq məqsədi güdməyib. "Bizim Nardaran hadisələrinə də heç bir aidiyyətimiz, heç bir bağlılığımız yoxdur” .