"Biz 1992-ci ildə hakimiyyətə xalqın iradəsilə dinc, kütləvi, demokraitk mübarizə  nəticəsində  gəlmişik”, -  Müsavat Partiyasının keçmiş başqanı, Milli  Strateji Düşüncə Mərkəzinin (MSDM) rəhbəri İsa Qəmbər bu fikri dövət başçısı İlham Əliyevin martın 31-də bir  qrup hərbçilə görüşdə AXC və Müsavat cütlüyünün 1992-ci ildə hakimiyyətə hərbi çevrilişlə gəlməsi bəyanatına cavab olaraq bildirib.

İ.Qəmbər deyib ki, əslində Qarabağın işğalı AXC hakimiyyətindən öncə  və  sonra  baş verib: "Qarabağda ən çox ərazi itirilməsi 1993-cü ilin iyunundan sonra  Heydər Əliyev dövründə baş verib. Bu, tarixi  gerçəklikdir və heç bir yalan bu gerçəkliyi dəyişə bilməz”.

İ. Qəmbər əlavə edib ki, "keçmişi saxtalaşdırmaq cəhdlərinə son qoyub gələcəyə hədəflənmək və torpaqlarımızı işğaldan azad etmək lazımdır”.42-CiParalel.Az