Erməni Feysbuk istifadəçisi ehtiyatda olan azərbaycanlı general-leytenant Yaşar Aydəmirovun fotosunu paylaşıb.

42-Ciparalel.az publika.az-a istinadən xəbər verir ki, fotoda general-leytenant Yaşar Aydəmirov şəhid anasının əlini öpür. Belə ki, xüsusi tapşırıqla Ermənistana göndərilən kəşfiyyat qrupu ilə bağlı bu il noyabrın 1-də Azərbaycan Texniki Universitetində keçirilən anım tədbirində çəkilib. Şəhid kəşfiyyatçının anasına medal təqdim edən general-leytenant ehtiram əlaməti olaraq onun əlindən öpərək, qarşısında baş əyir.

Erməni Feysbuk istifadəçisi Haykaz Gevorgyan isə fotonun "Azərbaycanlı general şəhid anasının hüzurunda. Təəssüf ki, bizdə belə deyil" başlığı ilə paylaşıb.