PKK 16 yaşlı şagirdin boğazını kəsərək öldürdü
Hadisə zamanı daha bir neçə şagirdin də bıçaqla yaralandığı bildirilir.
Türkiyədə PKK terrorçuları məktəblinin boğazını kəsərək qətlə yetiriblər. 42-ciparalel.az-ın məlumatına görə hadisə Mersin vilayətinin Silifke rayonundakı Gənclər və İdman Nazirliyinə aid mərkəzdə baş verib. Diyarbəkirin Sur rayonundan bir qrup şagird Gənclər və İdman Nazirliyinin təşkilatçılığı ilə Mersin vilayətinə gəzintiyə aparılıb. Vilayətin Silifke rayonunda nazirliyə aid mərkəzdə məskunlaşan qonaqlarla şagirdlərin arasına yerləşdirilən PKK tərəfdarları arasında mübahisə baş verib. Mübahisə zəminində baş vermiş dava zamanı terrorçular Hüseyn Cəfər Gizli adlı 16 yaşlı şagirdin boğazını kəsərək öldürüblər. Hüseyn Cəfər Gizlinin cənazəsi Adana şəhəri Məhkəmə Tibbi Ekspertizasının morquna aparılıb. Hadisə zamanı daha bir neçə şagirdin də bıçaqla yaralandığı bildirilir. Hadisəni törətməkdə şübhəli bilinən M.D.nin polis tərəfindən ələ keçirildiyi, daha 16 nəfərin saxlanıldığı bildierilir. Həmçinin qeyd edilib ki, Hüseyn Cəfər Gizlinin əmisi Məhəmməd Nur Gizli də 1990-cı illərdə PKK terrorçuları tərəfindən qətlə yetirilib.
42-ciparalel.az