Gəlirimiz 20-25 milyona çata bilər
42-ciparalel.az
Baş nazirin müavini Abid Şərifov bildirib ki, hazırda İran sərhəddinə qədər olan dəmiryolu xətdinin çəkilməsi üçün intensiv işlər gedir. Eyni zamanda birgə sərhəd körpüsünün və yükdaşıma terminalının tikintisi davam etdirilir. Bütün bunlar reallaşdıqdan sonra yük dövriyyəsi və Azərbaycanın gəlirləri artacaq:
"Bu gün ildə dəmiryolu yükdaşımasından əldə olunan gəlir 500 min və ya 600 mindirsə, bu yolun təmiri başa çatdıqdan sonra bu rəqəm 3-5 milyon ola bilər. Bu rəqəm 20-25 milyona qədər çata bilər”.
Xatırladaq ki, hazırda Azərbaycan və İran arasında dəmiryolu xətlərinin birləşməsi olmadığından yüklər sərhəd-keçid məntəqələrindən avtomobil nəqliyyatı ilə daşınır. Şimal-Cənub beynəlxalq nəqliyyat dəhlizinin işə düşməsi isə yük və sərnişin daşımalarının həcminin dəfələrlə artmasına imkan yaradacaq.