Mərkəzi Bank banklara 39 milyon dollar satdı

{title

Mərkəzi Bank növbəti valyuta hərracını keçirib.
 
42-ciparalel.az-ın  məlumatına görə , Mərkəzi Bank tərəfindən 200 milyon ABŞ dolları məbləğində vəsait satışa çıxarılıb. Hərracda iştirak edən 19 bank tərəfindən məcmu tələb 39,370 mln ABŞ dolları təşkil etdiyindən, sifarişlər 100 faiz təmin olunub.25 yanvar 2016-cı il tarixində Mərkəzi Bankın növbəti valyuta hərracı keçirilib. Yanvar 22-də də Mərkəzi Bank valyuta hərracı keçirib. Mərkəzi Bank tərəfindən 200 milyon ABŞ dolları məbləğində vəsait satışa çıxarılıb. 
Hərracda iştirak edən 29 bank tərəfindən məcmu tələb 98,217 mln ABŞ dolları təşkil etdiyindən, sifarişlər 100 faiz nisbətində təmin olunub. Yanvar ayının 18-də Azərbaycan Respublikasının Mərkəzi Bankının müntəzəm hərracları vasitəsilə hərrac təşkil edilib. Azərbaycan Respublikası Dövlət Neft Fondu (ARDNF) tərəfindən 200 milyon ABŞ dolları məbləğində vəsait hərraca çıxarılıb və bu vəsaitin 193 milyon 896 min ABŞ dolları 28 banka satılıb.


Mərkəzi Bank
Bundan öncə isə yanvar ayının 15-də Azərbaycan Mərkəzi Bankıvasitəsilə hərrac təşkil edilib.
Bu hərrac zamanı Azərbaycan Dövlət Neft Fondu (ARDNF) tərəfindən 200 milyon ABŞ dolları, Mərkəzi Bank tərəfindən isə 100 milyon ABŞ dolları, ümumilikdə 300 milyon ABŞ dolları məbləğində vəsait hərraca çıxarılıb və 35 banka satılıb.
 
42-ciparalel.az