2017-02-15T21:47 xeber – Radionun iki jurnalisti canlı efir zamanı güllələnib.
Sputnik Azərbaycan xarici mediaya istinadla xəbər verir ki, hadisə Dominikan Respublikasında qeydə alınıb. 
Efir zamanı radioaparıcı Facebook-da canlı yayım aparırmış, ona görə də atışma və qadın qışqırıqları da efirə düşüb.

— Noticias SIN (@SIN24Horas) 15 февраля 2017 г.

​Yerli polisin məlumatına görə, atışma nəticəsində aparıcı Luis Manuel Medina və raionun prodüseri Leo Martines həlak olublar. Daha bir qadın isə yaralanıb və indi xəstəxanadadır.
Hələlik o məlumdur ki, qatil 103FM radiostansiyasının studiyasına daxil olaraq heç bir söz demədən otaqdakılara atəş açıb.
Bu hadisə ilə bağlı artıq 3 nəfər saxlanılıb.
Oxşar hadisə 2015-ci ildə ABŞ-da baş verib. Həmin zaman qatil CBS telekanalının Virciniyadakı filialının reportyorunu və operatorunu canlı bağlantı zamanı gülləbaran edib. Nəticədə 24 yaşlı jurnalist Elison Parker və 27 yaşlı operator Adam Uord həlak olublar. 42-CiParalel.Az