Sevindik Hətəmov təyinat aldığı günün səhərisi büdcədən ayrılmış pulu özünə götürüb

Yardımlıda «aclıq dövrü»nü başa vuraraq, Salyana, «yağlı tikə»yə sahiblənmək hər oğulun işi deyildi. Böyük əksəriyyət nəqliyyat naziri Ziya Məmmədovun qardaşı, sabiq deputat Elton Məmmədovun yaxın dostu olan və onların sayəsində icra başçısı olmuş birinin tezliklə sistemdən uzaqlaşdırılacağını gözləyirdi. Amma gözləniləndən fərqli olaraq, Hətəmov daha böyük, həm də qazancı bol olan rayona icra başçısı təyinatı aldı.
 "42-CİPARALEL.AZ" JAM.AZ-a istinadən xəbər verir ki, Sevindik Hətəmov ilk günlər özünü Yardımlıdakı kimi hiss edərək, kəndlərə, qəsəbələrə gedir, əhali ilə görüşür, onları dinləyir, vədlər verirdi. Bununla bağlı palaz-palaz xəbərlər, çeşid-çeşid şəkillər, bir o qədər də videogörüntülər yaydırırdı ki, onun təqdimatını verənlərə «işgüzar» imicini nümayiş etdirə bilsin. Sevindik Hətəmov bu əməlləriylə kimlərin gözünü bəzəmək istəyir məlumdur. Amma hər bir halda saxtakarlığın üstünün açılması çox zaman almır. 

Məlumatlara görə, yeni icra başçısı bunun ardından daha bir neçə nağdlaşdırma işini həyata keçirməyə çalışsa da, müavinləri onu səbirli olmağa çağırıblar. Və bildiriblər ki, əgər bu şəkildə davam edərsə, qısa müddətdən sonra Salyanda onun işləməsi mümkünsüzə çevriləcək. Ona görə ki, həm hakimiyyət dairələri narazı qalacaqlar, həm də rayon əhli onun yeyintilərindən xəbər tutub etirazlarını bildirəcəklər. Həmçinin Sevindik Hətəmova onu da bildiriblər ki, Salyan Yardımlı deyil və burada kifayət qədər diqqətli olmaq lazımdır.