tərəfindən Xızı rayonunda aşkar olunmuş Partlamamış Hərbi Sursatlar (PHS) haqqında
ANAMA,42-CiParalel.az-a xəbər verir ki,Xızı rayonu ərazisində yerləşən Müdafiə Nazirliyin N saylı hərbi hissəsinin sursat anbarında baş vermiş partlayışla əlaqədar Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA), Fövqəladə Hallar Nazirliyinin və Daxili İşlər Nazirliyinın birgə keçirdiyi təmizləmə əməliyyatları barədə:
02 Sentyabr 2017-ci il tarixində hərbi hissənin ətrafında, Giləzi qəsəbəsində, Sitalçay və Şurabad kəndləri ərazisində 4 evin həyətyanı sahəsinə, 2 əkin sahəsinə, 2 qəbirstanlığın yaxınlığına, ferma ərazisinə, Samur-Abşeron kanalının içərisinə və ətrafına baxış keçirilmiş, 183 ədəd partlamamış hərbi sursat (PHS), 729 ədəd partlamış-yanmış raketin qalıqları, 570 kq yandırma aşkar olunaraq götürülmüş, nəticə etibarilə 1 298 623 kv.m (129.86 ha) ərazi yoxlanılmışdır.
Ümumiyyətlə, 7 gün ərzində 11 ev, 38 evin həyətyanı sahəsinə, 5 ferma ərazisinə, 5 əkin sahəsinə, 6 otlaq sahəsinə, 2 məktəb ərazisinə, 3 dəmiryolu xətininə, 1 rabitə qovşağına, 1 telestudio ərazisinə, 1 kənd qəbirstanlığına, 1 su kanalına, 1 istixanaya, 1 hərbi şəhərciyə, 1 kənd məscidinin yaxınlığına, su stansiyasına, balıqçılıq təsərrüfatına, eko-turizmin həyətyanı sahəsinə, taxıl anbarının yaxınlığına yol kənarına, Samur-Abşeron kanalının içərisinə və ətrafına baxış keçirilmiş, 9 075 477 kv. m (907.55 ha) əraziyə yoxlanılmış, 884 ədəd partlamamış hərbi sursat, 1 101 ədəd partlamış-yanmış sursat qalıqları və 1 179 kq yandırma aşkar olunaraq götürülmüşdür.
Bununla yanaşı, Xızı rayonun Giləzi qəsəbəsi, Stalçay və Şurabad kəndləri ərazisində 3 441 nəfər yerli sakin arasında mina təhlukəsizliyinə dair maarifləndirmə təbliğatı aparılmışdır.