Həkimi öldürüb yandıran keçmiş polis özünü də yandırdı
42-ciparalel.az
“Onu qapıda gözlədiyim zaman qışqırıq səsi eşitdim”.
Bakıda
həkim arvadını
öldürüb daha sonra yandırmaqda
təqsirli bilinən keçmiş polis işçisi Samir Əliyev məhkəmə zalında özünü yandırıb. B
u barədə təqsirləndirilən şəxsin həyat yoldaşı Zəminə Əliyeva məlumat yayıb. Onun sözlərinə görə, qapıda gözlədiyi zaman qışqırıq səsi eşidib. Vəkillər isə məhkəmə zalından çıxaraq qadına, təqsirləndirilən şəxsin özünü yandırdığını bildiriblər.
Həkim Natəvan Əliyevanın qətlində şübhəli bilinən Samir Əliyevin məhkəmə prosesi bu gün Nəsimi rayon Məhkəməsində keçirilib. Proses zamanı keçmiş həyat yoldaşının qətlində günahlandırılan Əliyevə əlavə olaraq 4 ay həbs cəzası verilib. Samir Əliyev isə buna etiraz olaraq özünü yandırıb.
Natavan Əliyeva – öldürülüb yandırılan həkim
Bu il iyul ayının 9-da Xızı rayonunun Yaşma qəsəbəsi ərazisində yanmış qadın meyidi tapılıb.
Xızı rayonunun
hüquq mühafizə orqanlarının əməkdaşlarının keçirdiyi tədbirlər nəticəsində yanmış meyidin 1981-ci il təvəllüdlü Bakı sakini Natəvan Əliyevaya məxsus olduğu bəlli olub.
Üç uşaq anası olan qadının hadisədən 3 gün əvvəl
Xətai rayonunda
itkin düşməsi barədə polisə ərizə daxil olduğu da məlum olub.
Hadisədən bir gün sonra isə qadını yandıraraq öldürməkdə şübhəli bilinən 1981-ci il təvəllüdlü Samir Səməndər oğlu Əliyev olduğu müəyyən edilərək Xızı rayon polis şöbəsinin əməkdaşları tərəfindən saxlanılıb.
Samir Əliyevin keçmiş polis işçisi olduğu bildirilirdi və o, Natəvan Əliyevanın keçmiş həyat yoldaşı olub.