Türkiyə prokurorluğu Ankarada törədilən terrorun məqsədini açıqladı
Ankara Baş Prokurorluğu rəqəmsal materiallardan əldə edilən məlumatlara əsaslanaraq, Ankarada oktyabrın 10-da törədilən terror hücumunu həyata keçirən təşkilatın mərkəzinin Qaziantepdə olduğunu və Suriyadakı DAEŞ terror təşkilatından təlimat alaraq, Türkiyə daxilində təxribat planlaşdırdığını açıqlayıb.
Prokurorluğun əldə etdiyi məlumatlara görə, terror hücumunun məqsədlərindən biri seçkilər ərəfəsində təxribat yaradaraq, siyasi sabitliyi pozmaq və seçki nəticəsində ortaya çıxacaq nəticədən hər hansı bir şəkildə hökumət qurulmasını çətinləşdirmək olub.
Baş Prokurorluğun açıqlamasına görə, Ankarada törədilən terror hücumunun daha bir məqsədi terror hadisələrini artırıb, 1 noyabr seçkilərinin təxirə salınmasına nail olmaq olub.