Bir çox ölkələrdə bank kartlarının üzərində sahibinin şəkli və imzasının olması mütləqdir. Ancaq Azərbaycanda bu təcrübədən istifadə olunmaması bəzən kart sahibləri üçün əlavə problem yarada bilər.

Bank kartlarında demək olar ki, sahibin şəkli və üzərində imzası yoxdur. Xarici ölkələrin bir çoxunda tətbiq olunan bu təcrübənin Azərbaycanda olmaması bəzən kart sahiblərini çətinə vəziyyətdə qoya bilər. Məsələn üzərində şəkil olmayan oğurlanmış bir kartla kimsə hansısa mağazadan alış-veriş edə bilər.

Bank kartının üzərində şəkil və imzanın olmamasının yaratdığı problem bununla da bitmir. Hətta bu məsələ sizə xarici ölkələrdə də çətinlik yarada bilər.

Bəs belə neqativ hallarla qarşılaşmamaq üçün nə etmək lazımdır? Əslində şəkil və imzanı karta əlavə etmək o qədər də çətin bir proses deyil. Sadəcə banklar qarşısında belə bir tələb olmadığına görə könüllü şəkildə də heç kəs bununla maraqlanmır.