İlhamə Quliyeva oğlunun saxlanılmasından danışdı
“Bu xəbəri qulluqçumun adamları yayıb”.
Xalq artisti
İlhamə Quliyeva
oğlu Orxan Nadirov və onun tanışı Vüqar Bəşirovun
Heydər Əliyev adına Bakı Beynəlxalq Hava Limanında
saxlanması xəbəri barədə açıqlama verib. O, yayılan məlumatları təkzib edib.
42-ciparalel.az-a açıqlama verən xalq artisti bildirib ki, məlumat yalandır: “O məlumat əsassızdır, cəfəngiyatdır, bizim ailəmizə atılan böhtandır. Hamı öz evindədir. Qətiyyən belə bir şey yoxdur”.
Xalq artisti hətta bu məlumatı yayanların adını da açıqlayıb:
“Bu məlumatı mənim həbsxanada olan qulluqçumun adamları yayıb. Axı bu yaxınlarda məhkəməsi olacaq. Yalan-yalan informasiya yayırlar”.
Bu gün məlumat yayılıb ki, Orxan Nadirov və onun tanışı Vüqar Bəşirov Heydər Əliyev adına Bakı Beynəlxalq Hava Limanında saxlanılıb. Hər iki şəxs Binəqədi Rayon Polis İdarəsinin əməkdaşlarına təhvil verilib.
Bir müddət əvvəl ifaçı köməkçisi
Mehriban Hüseynovanı
dələduzluqda ittiham edib.
Mehriban Hüseynova – İlhamə Quliyevanın köməkçisi
Müğənni bununla bağlı əlində dəlil və sübutların, videogörüntülərin, səs yazılarının olduğunu deyərək hətta köməkçisi ilə bağlı bir görüntünü mətbuata təqdim də edib. Bir neçə gün sonra isə Mehriban Hüseynova Bakı Şəhər Baş Polis İdarəsinin əməkdaşları tərəfindən həbs edilib.
4-ciparalel.az