Azərbaycan Müdafiə Nazirliyi bununla bağlı rəsmi məlumat yaydı.
Azərbaycan
Müdafiə Nazirliyi
yüksəkliklərdən birinin Azərbaycan ordusu tərəfindən nəzarətə götürülməsi barədə məlumatı təsdiqləyib.
Müdafiə Nazirliyinin mətbuat xidmətindən 42-ciparalel.az-a verilən məlumata görə, bəzi elektron kütləvi informasiya vasitələrində Ermənistandakı mənbələrə istinadən Azərbaycanın
Qazax rayonu
ilə Ermənistanın
Noyemberyan
yaşayış məntəqəsi arasındakı ərazidə yerləşən “Odundağ” yüksəkliyinin Azərbaycan ordusunun nəzarətinə keçməsi və ətraf erməni ərazilərinin asanlıqla müşahidə edilməsi barədə məlumat yayılıb.
“Faktı təsdiq edərək bildiririk ki, həqiqətən həmin yüksəklik əlverişli və əhəmiyyətli olduğu üçün bölmələrimiz tərəfindən nəzarətə götürülüb, taktiki və mühəndis-istehkam baxımından gücləndirilib”. – deyə Müdafiə Nazirliyinin məlumatında qeyd olunur.
Azərbaycan və Ermənistan sərhədi, yüksəkliyin ələ keçirildiyi bölgə
42-ciparalel.az