Rusiya AŞPA-da iştirakdan imtina etdi
İmtinaya səbəb Avropa İttifaqının Rusiya əleyhinə sanksiyalar tətbiq etməsidir.
Rusiya
nümayəndə heyəti yanvarın 25-də
AŞPA
-nın Strasburqda keçiriləcək qış sessiyasında iştirak etməyəcək. Bu barədə açıqlamanı
Rusiya Dövlət Dumasının
komitə sədri və
MDB
Parlament Assambleyasının müşahidə missiyasının rəhbəri Leonid Slutsk yayıb.
42-ciparalel.az-ın xarici mətbuata istinadən verdiyi məlumata görə , hazırda Rusiya Dövlət Duması sessiyada iştirakdan imtina ilə bağlı rəsmi məktub hazırlayır.
“Hazırda Rusiya parlamentinin spikeri tərəfindən imzalanmış məktub AŞPA-nın rəhbəri Anne Brasseurə göndərilir. Məktubda Rusiya tərəfinin yanvar sessiyasında iştirak etməyəcəyi bəyan olunub.”
Leonid Slutsk -Rusiya Dövlət Dumasının komitə sədri
Bəyanatda o da bildirilir ki, AŞPA yanvarın 25-də Rusiyaya öz səlahiyyətlərini qaytarsa, vəziyyət dəyişəcək.
“Biz
Strasburqa
növbəti siyasi hədə-qorxularla üzləşməyə getmək istəmirik. Təşkilatda tamhüquqlu iştirakımız mümkün olduqda, biz AŞPA-ya qayıdacağıq.” -bu barədə RBK-ya Dövlət Duması və Federasiya Şurasındakı mənbədən bildirilir.
Rusiyanın AŞPA-nın qış sessiyasında iştirak etməklə bağlı müzakirələri hələ yanvarın 15-də keçirilib. Rusiya tərəfinin bu addımı atmasına səbəb isə Avropa İttifaqının onlara qarşı sanksiyalar tətbiq etməsidir.
Bu barədə hələ ötən il Rusiyanın AŞPA-dakı nümayəndə heyətinin rəhbəri, Dövlət Dumasının beynəlxalq məsələlər komitəsinin sədri Aleksey Puşkov açıqlama vermişdir.
Aleksey Puşkov – Dövlət Dumasının beynəlxalq məsələlər komitəsinin sədri
42-ciparalel.az