Ümumilikdə toya hazırlaşan ailəyə 6 min manat zərər dəyib.

Abşeron rayonunda


oğurluq faktı qeydə alınıb.

Abşeron rayonu


Xırdalan şəhəri


Xəlil Rza küçəsi 94 ünvanına soxulan naməlum şəxs və ya şəxslər evdə heç kimin olmamasından istifadə edərək, mənzili qarət ediblər.

Zərərçəkən Əsmər Novruzova deyir ki, evdən oğrular qızıl üzüklər, kompüter, telefon və paltar aparıblar.

Evin həyətinə hasardan aşan qarətçi mənzilə dəmir baramaqları olmayan pəncərədən keçib. Ev sahiblərinin geri qayıdışında isə, iş -işdən keçmiş olub. Novruzovların qızının keçən ay toyu olacaq idi. Amma yas olduğundan toy təxirə salınıb.

Zərərçəkənlərin sözlərinə görə, bu onların evində baş verən ilk oğurluq deyil. Bir il əvvəldə onların evləri qarət edilib.

Qarət olunan ev

Ümumilikdə 6 min manat dəyərində qızıl-zinyət əşyaları və 500 manat nəğd pulun oğurlandığı hadisə ilə bağlı


Abşeron Rayon Polis İdarəsi


tərəfindən araşdırmalara başlanılıb.

Hazırda polis qarəti törədən şəxs və ya şəxslərin axtarışını həyata keçirir.